ايجابيات وسليبات كمال الاجسام

الايجيابيات وعن السلبيات ..

اولا السلبيات : =

1- اول شي لاعب الحديد ممكن انه يشعر بالملل لانه لازم كل يوم يسوي تمارين معينه وفي وقت معين وبنفس الاسلوب والطريقه وان ما غير في جدوله التمريني يمكن يحس بالملل ويحس انه ما يسوي شي عشان جيه يمكن يترك هالرياضه

2- ثاني شي واللي هوه الوقت فلو الواحد شاف فينا انه لاعب الحديد ممكن يتدرب وقت طويل البعض يتدرب نص ساعه وساعه وساعتين وممكن في احيانا مثلا البطولات يمكن تكون ثلاث ساعات فهالوقت يكون كبير ويمكن لاعب الحديد يخسر وايد اشياء منه او انه يحتاجه لامور واغراض معينه

3- الموضووع المالي فالكل يدفع ما فيه حد يمولوهم عشان يتمرنون هم يشترون اللبس والاكل وهالسوالف هاي حتى اشتراك النادي يدفعونه وبهالطريقه اللاعب لو لقى حد يمولوه بيكون افضل لانه بيكون باستطاعته انه يقدم شي بس بروحه يمكن ما يقدر يوصل للمجال القوي

4- ومن سلبيااتها ايضاً في الملابس بصراحه لاعب الحديد لازم دايما يفصل كنادير او قمصان او بناطلين لانه جسمه دايما يكبر فيتعب من كثر ما يفصل وهاي من المشاكل اللي ممكن الواحد ما يحسبلها حساب واللي هيه الملابس


ثانيا الايجابيات ..

1-اولها انه لاعب الحديد يروم يشكل جسمه بالطريقه اللي تعيبه مثلا يقصر محيط خصره يكبر صدره يعرض اكتافه يزيد حجم ريوله ينتفخ يضعف على راحته وهالشي مفيد وخاصه ان كان الواحد يهتم بشكل جسمه ومنو فينا هالايام ما يهتم بشكل جسمه..

2- تحسين الصفه بشكل عام لانه لاعب الحديد يوم يتمرن تنشط عنده الدورات الدمويه وجميع الاجهزه الداخليه تقوم بوظائفها وقت التمرين حتى الجهاز التنفسي يشتغل صح لانه يستهلك كميه من الهوا ويزيد خروج العرق مما يسبب في تنظيم مسامات الجسم

3- الغذاء وهالشي مهم بالنسبه لكل انسان لانه كل واحد فينا يسرط اشياء ولا يعرف شو فيها فلما يكون في برنامج غذائي بياكل صح وبيلتزم وبيودر الاكل اللي ما يفيده وممكن يسببله آلاام في البطن وكلنا نعرف انه بيت الداء المعده فلو سلم من شرها واكلها زين وعطاها العناصر المطلوبه عقب بيحس براحه في جسمه

4- جاذبيه الشخص حتى انه الشخص اللي عليه عضلات وجسمه مرتب وحلو الناس بتشوفه والكل بيطالعه طبعا ان كان خقاق شي راجعله او متواضع ايضا شي راجعله بس انا قصدي جاذبيه الشخص والكل بيطالعه بيقوولون واااو هذا معضل..

تحياتي للجميع

NAT9ADACHAK AWMA KH ALMAJHODATE ANACH WASIL EJTIHADAK